Ný reglugerð um einelti – framkvæmd í opinberum rekstri:
Áhrif stjórnsýslu- og upplýsingaréttar
Morgunverðarfundur, föstudaginn 10. júní 2016, kl. 8:30-10:00 á Grand hótel Reykjavík.
Morgunverður frá kl. 8:00, er innifalinn í þátttökugjaldinu sem er kr. 5.500-
Samkvæmt mælingum meðal nokkurra starfshópa má ætla að um 8-20% starfsmanna telja sig hafa upplifað einelti á vinnustað hér á landi. Í könnun meðal opinberra starfsmanna frá árinu 2008 kom fram að 10% töldu sig hafa upplifað einelti á sl. 12 mánuðum og um fjórðungur starfsfólks sagðist hafði orðið vitni að einelti. Í sömu könnun kom fram að einungis 12% þeirra sem töldu sig hafa upplifað einelti höfðu lagt fram formlega kvörtun, og þá töldu þeir einstaklingar sem lögðu fram kvörtun að í langflestum tilfellum hefði kvörtunum þeirra ekki verið fylgt eftir með viðeigandi hætti.
Í lok síðasta árs tók í gildi endurskoðuð reglugerð um einelti, áreitni og ofbeldi á vinnustöðum – reglugerð 1009/2015. Það eru nokkur mikilvæg nýmæli í endurnýjuðu reglugerðinni. Skilgreining eineltis hefur verið breytt og er hún ítarlegri en áður og auk þess hefur hugtökunum kynferðisleg áreitni, kynbundin áreitni og ofbeldi verið bætt inn. Einnig er kveðið á um ríkari skyldur vinnuveitenda að vinna að forvörnum og að grípa til aðgerða þegar starfsmenn tilkynna um einelti, áreitni eða ofbeldi á vinnustaðnum.
Almennur kynningarfundur um nýju reglugerðina var haldinn á Grand hótel 17. maí sl. Það eru hins ákveðnir þættir í reglugerðinni sem kalla á nánari skoðun fyrir opinbera vinnumarkaðinn vegna ákvæða í stjórnsýslu- og upplýsingarétti og áhrif hans á rétt og stöðu opinberra starfsmanna. Á morgunverðarfundinum 10. júní verður farið nánar yfir þau atriði.
Dagskrá:
8:30-8:45 Forvarnir og aðgerðir á vinnustöðum – nýmæli í endurskoðari reglugerð: Dr. Ásta Snorradóttir, fagstjóri hjá Vinnueftirlitinu.
8:45-9:05 Rannsókn eineltismála með hliðsjón af stjórnsýslulögum: Helgi Valberg Jensson, sérfræðingur hjá kjara- og mannauðssýslu fjármála- og efnahagsráðuneytsins.
9:05-9:25 Verklag í eineltismálum með hliðsjón af upplýsingarétti og mögulegar forvarnir: Sara Lind Guðbergsdóttir, sérfræðingur hjá kjara- og mannauðssýslu fjármála- og efnahagsráðuneytsins.
9:25-9:40 Viðbrögð við einelti á vinnustað – sýn og reynsla mannauðsstjóra í opinberri stofnun: Ragnheiður Stefánsdóttir, mannauðsstjóri hjá Landsbókasafni Íslands – Háskólabókasafni.
9:40-10:00 Umræður og spurningar úr sal.
Fundarstjóri: Guðjón Brjánsson, forstöðumaður Heilbrigðisstofnunar Vesturlands.
