Fundargerð málþings 16. september 2009 um sameiningu og endurskipulagningu ríkisstofnana
Málþing um sameiningu og endurskipulagningu ríkisstofnana var haldið 16. september 2009. Hér má sjá fundargerð fundarins og glærur fyrirlesara.
Málþing: Sameining og endurskipulagning ríkisstofnana. Hvernig skilar slíkt bestum árangri? Hverjar eru helstu hindranir–lausnir?
Aðstandendur fundarins: Ríkisendurskoðun, Félag forstöðumanna ríkisstofnana og Stofnun stjórnsýslufræða við HÍ.
Fundarstaður og fundartími: Grand hótel, Gullhvammur, Reykjavík. Morgunverður og skráning var frá kl. 8:00 og var fundargjald á mann kr. 3.900. Fundur hófst 08:30 og stóð til 10:30.
Fundarstjóri: Ragnhildur Arnljótsdóttir
Bakgrunnur: Meðal þeirra spurninga sem leitað var svara við á málþinginu voru:
– Hvernig má meta fyrirfram mögulegan ávinning af sameiningu ríkisstofnana, þe. áður en ákvörðun er tekin?
– Hvernig á að standa að undirbúningi og eftirfylgni sameiningar, svo árangur náist?
– Hvaða hættur eða hindranir er að varast í þessu sambandi?
– Hvaða lærdóm má draga af reynslunni, bæði innanlands og annarra þjóða?
– Hver eru lykilskilaboð ráðgjafa stjórnenda hins opinbera til stjórnmálamanna?
Miðlun fundarins: Fundurinn var túlkaður á táknmáli. Dreift var glærum fyrirlesara og eru þær birtar á heimasíðu Félags forstöðumanna ríkisstofnana.
Dagskrá
8:30 Inngangur fundarstjóra Ragnhildar Arnljótsdóttur ráðuneytisstjóra.
Fundarstjóri sagði mikilvægt að í stöðunni felist tækifæri. Hagræðing væri hvati til breytinga. Samráð er mikilvægt, forstöðumaður á ekki að frétta að breytingum á fundi sem þessum heldur á minni fundi. Fundarstjóri greindi frá breytingum og tilfærslu verkefna í ráðuneytunum. Nýtt efnahags- og viðskiptaráðuneyti verður til um næstu mánaðarmót. Þróun stjórnsýslunnar er að fyrirmynd Dana. Veikleiki hjá okkur að við mælum ekki árangur breytinga. Ráðuneytisstjórar hittast nú vikulega til samráðs.
8:35 Sameiningarferlið og algeng mistök. Leifur Eysteinsson sérfræðingur hjá menntamálaráðuneyti, höfundur rits um sameiningar ríkisstofnana. Sjá glærur Leifs.
8:55 Sameining ríkisstofnana – tækifæri til að gera betur. Björg Kjartansdóttir viðskiptafræðingur og sérfræðingur hjá Ríkisendurskoðun. Sjá glærur Bjargar.
9:20 Ávinningur af sameiningu ríkisstofnana. Sigurður Helgason ráðgjafi, sem um þessar mundir vinnur að stórum sameiningarverkefnum félagsmála-, dómsmála- og samgönguráðuneyti. Sjá glærur Sigurðar.
9:50 Breytingastjórnun og breyting á stjórnun. Eyþór Eðvarðsson þjálfari og ráðgjafi hjá Þekkingarmiðlun ehf. Sjá glærur Eyþórs.
10:15 Holl ráð. Að lokum lögðu tveir forstöðumenn sem tekið hafa þátt í að sameina stofnanir inn góð ráð til þeirra sem á næstunni munu takast slík verkefni á hendur.
a) Sjöfn Sigurgísladóttir forstjóri Matís ohf. Sjá glærur Sjafnar.
b) Magnús Pétursson ríkissáttasemjari og f.v. forstjóri LSH.
Magnús taldi sameiningu stofnana mikið viðfangsefni og í ljósi reynslu sinnar gaf hann fundarmönnum 5 ráð og 3 heillaráð.
Ráðin:
1) Horfið yfir sviðið, á aðalatriðin, ekki aukaatriðin.
2) Verið alltaf í fyrirsvari. Nemið andann meðal fólksins.
3) Verið heiðarleg við starfsmenn og samkvæm sjálfum ykkur.
4) Gætið að tímasetningum, ekki óljósar.
5) Látið starfsmenn ekki ganga að ykkur sem vísum.
Heillaráðin:
1. Farið vel með valdið.
2. Forðist illdeilur við einstaka starfsmenn.
3. Eigið ykkur einhvers staðar athvarf, vin til að spjalla við.
Ekki reyndist tími til fyrirspurna. Fundi slitið kl. 10:30.
Um 220 manns sótti málþingið.
Fundargerð: Ingibjörg Guðmundsdóttir