Morgunverðarfundur um stefnumótun, áætlanagerð og árangursmælingar ríkisstofnana var haldinn mánudaginn 9. október 2017, kl. 08:30 – 10:30, Hilton Reykjavík Nordica
Með lögum um opinber fjármál er lögð aukin áhersla á stefnumótun og áætlanagerð í ríkisfjármálum til lengri tíma. Þetta kallar á breytt vinnubrögð bæði ráðuneyta og stofnana. Fjallað var um stefnumótun, áætlanagerð og árangursmælingar ríkisstofnana á morgunverðarfundinum sem haldinn var af fjármála- og efnahagsráðuneytinu í samstarfi við Félag forstöðumanna ríkisstofnana og Stofnun stjórnsýslufræða og stjórnmála. Fundurinn var einkum ætlaður forstöðumönnum ríkisstofnana og nánustu samstarfsmönnum sem koma að stefnumótun stofnana.
Upptaka af fundinum er aðgengileg á slóðinni hér.
Dagskrá:
- Stefnumótun – Hvernig raðast pússlin í eina heildarmynd, Marta Birna Baldursdóttir, sérfræðingur, fjármála- og efnahagsráðuneytinu
- Aðferðafræði við stefnumótun og árangursmælingar, Kristinn Tryggvi Gunnarsson, ráðgjafi, Expectus
- Stefnumótun í ríkisrekstri – ráðuneyti og stofnanir, Anna Lilja Gunnarsdóttir, ráðuneytisstjóri velferðarráðuneytis og Ásta Magnúsdóttir, ráðuneytisstjóri mennta- og menningarmálaráðuneytisins
- Stefnumótun og áætlanagerð stofnunar, Jónas Ketilsson, yfirverkefnastjóri, Orkustofnun
- Nýtt áætlanakerfi ríkisaðila, Steinunn Sigvaldadóttir, sérfræðingur, fjármála- og efnahagsráðuneytinu
Fundarstjóri: Álfrún Tryggvadóttir, verkefnisstjóri innleiðingar á lögum um opinber fjármál
